ستراحمدشاه بابا دابدالي زمان خان زوی دی. چي پلارئې هم دخپل وخت قومي مشر ؤ. اوپه هرات کښي اوسیدی.احمدشاه بابا په کال ( ۱۷۲۲م ) کي په هرات کښي وزیږیدی.احمد شاه بابا پسله هغه چي کندهارته دنادرافشارترمړیني وروسته راغلی نو په شیرسرخ کښې یوه لویه جرګه جوړه کړه،دلوی جرګې دخوا څخه په انتخابي توګه دهیواد مشراو پاچاه په توګه ومنل سؤ. چي دوخت ډموکرا تیک ترینه ولسي انتخاب ګڼل کیږي.ترهغه وروسته چي احمدشاه بابادهیوادواک په لاس کښي واخیست.نووروسته ئې ځان داحمد خان اودشاه افغان په نوم وه نومولی.د نادرافشار په لښکروکښي یوزړه وراود پوره نفوذ خاوند وو.احمد خان دازبکوجنرالانوسره دنادرافشاردلښکرویوقوي منصبداروو.اوپه پښتني قبیلوکې هم پوره محبوبیت درلودی.نوڅه وخت چی نادرافشارپه ( ۱۱۶۰هـ برابرد۱۷۴۷م ) سره ووژل سو.نواحمدخان پرایرانیانوحمله وکړه،په پرله پسې حملوکې ایرانیانوته ماته ورکړه، همدغسي ئې ډیرژرکندهارهم ونیوی. اوهغه وخت ایرانیانودسند،کابل اود سیمي څخه باج یااخراج ترلاسه کاوه.او دکندهارپرلاره به ئې اصفهان ته انتقالول خو!داوخت کندهاردافغانانواواحمدخان په قبضه کی وو. نوڅه وخت چي نوموړي سامانونه اوباج دکندهارڅخه تیریدی، هغه ئې دایرانیانوڅخه ترلاسه کړ.چی په دې سره داحمد خان وټیزیا اقتصادي حالات ډیرښه سؤ.اوبیا ئې هم دافغاني دوداودستورسره سمه یوه ډموکراټیکه لویه جرګه دقومي مشرانو په ګډون دکندهاردشرسرخ په زیارت کښي جوړه کړه.اوصابرشاه ملنګ داحمد خان په سرکښي دافغانستان سمبول د(غنمووږی) په لنګوټه کښي ورکښیښودی اوداحمدشاه باباپه لقب ونومول سو.دپاچهۍ تر انتخابید ووروسته ئې:نوسمدلاسه دخپلي لاسته راوړي ساحې واک نورهم پراخ کړ.او پرخراسان ئې چي دافغانستان شمالي برخي دي،مشهداوسجستان ئې حمله وکړه، نوموړي سیمي ئې ونیولې .احمدخان خپل لقب شاه افغان کښیښودی.ددې څخه وروسته احمد شاه بابا دایران دبشپړه نیولوخیال نه درلود.اوکومه ګټه ئې هم دعقدوي  لحاظه نه درلودله.نوځکه ئې مخ دسینداوهندپرلورراواړاوی.او هندوستان ئې ترډهلي پوري فتحه کړی.